(Frequently Asked Questions sa pagkolekta sa basura sa atong barangay)
1️⃣ Pangutana: Unsa gyud nang “waste segregation”?
Tubag: Kini ang proseso sa pagbulag-bulag sa basura sumala sa matang:
- Malata (biodegradable)
- Dili malata (non-biodegradable)
- Mapuslan pa (recyclable)
- Peligroso (hazardous)
2️⃣ Pangutana: Nganong importante man ang pagbulag sa basura?
Tubag: Importante kini aron:
- Makunhuran ang basura nga moadto sa landfill
- Mapanalipdan ang kalikopan
- Makadaginot sa natural resources
- Masayon ang pag-recycle ug pagproseso sa basura
3️⃣ Pangutana: Kinsa ang angay mag-segregate?
Tubag: Tanan!
Ubas sa RA 9003 (Ecological Solid Waste Management Act of 2000), ang segregation dapat magsugod sa panimalay, ug ang barangay ang nagpatuman sa koleksyon.
4️⃣ Pangutana: Unsaon nako pagsugod og waste segregation sa balay?
Tubag:
Pag-andam ug tulo (3) ka basurahan:
- Para sa malata
- Para sa dili malata
- Para sa recyclable
5️⃣ Pangutana: Aduna bay silot kung dili mag-segregate?
Tubag: Oo.
Subay sa RA 9003 ug lokal nga ordinansa, mahimong dili kuhaon sa garbage collector ang basura kung dili insaktong nabulag.
6️⃣ Pangutana: Okay raba sunogon ang basura?
Tubag: Dili.
Gidili ang open burning kay:
- Makadaot sa kalidad sa hangin
- Makahatag og sakit sa respiratory system
- Makadugang sa polusyon
7️⃣ Pangutana: Asa ibutang ang mga busted bumbilya ug baterya?
Tubag: Ibulag kini isip special waste.
I-turn over sa barangay o sa accredited collection points.
8️⃣ Pangutana: Unsa ang kolektahon sa barangay?
Tubag:
- Plastic
- Residual waste (pananglitan: diaper, sanitary waste, uban pang dili recyclable)
9️⃣ Pangutana: Kinsa ang mangolekta sa basura?
Tubag:
Kada purok adunay assigned personnel nga:
- Mo house-to-house
- Motimbang sa basura
- Morecord niini sa blue card